काठमाडौं, १८ पुस । राष्ट्रिय प्रजातन्त्र पार्टी (राप्रपा) का महामन्त्री धवलशमशेर जबराले काठमाडौं महानगरपालिका प्रमुख बालेन्द्र शाहलाई सफल मेयरको रुपमा चित्रण गरेका छन् । हिजो (बुधबार) प्राइम टाइम्स टेलिभिजनको जनता जान्न चाहन्छन् कार्यक्रममा पत्रकार ऋषि धमलासँग संवाद गर्दै उनले बालेन अहिले देशले नै मन पराएको व्यक्तित्व बनिरहेको बताए ।
बालेनले काठमाडौं सहरलाई सफा र सुन्दर बनाएको उनको भनाइ छ । महामन्त्री बजराले अहिलेसम्म आफूहरुको भेटघाट नभएको र चिनजान पनि नरहेको बताए । उनले निकट भविष्यमा चिनजान होस् भन्ने आफूहरुको चाहना रहेको बताए ।
‘अहिले उहाँ देशले नै मन पराएको व्यक्तित्व हो । भेटघाट गर्ने चाहना किन नहुनु ? यो देशमा नेपाली जनताले अकर्मन्यताको हिसाबले हेरे र बालेन काठमाडौंमा सफल भएको कारणले, मेरो आखाँले पनि काठमाडौं बालेन शाह आइसकेपछि फोहोरको डङ्गुरको सहरबाट सफा सहरमा परिणत भएको छ । काठमाडौंलाई सफा बनाउने क्रममा बालेन शाह सफल भए,’– उनले भने ।
