काठमाडौं, १८ पुस । नेपाली कांग्रेसका नेता एवं राष्ट्रिय सभा सदस्य कृष्णप्रसाद सिटौलाले प्रधानमन्त्री केपी शर्मा ओली आफूहरुको सहारामा रहेको टिप्पणी गरेका छन् । आज (बिहीबार) काठमाडौंमा आयोजित पार्टीको कार्यक्रमलाई सम्बोधन गर्दै उनले कांग्रेसबेगर प्रधानमन्त्री ओली एक पाइला पनि अगाडि बढ्न नसक्ने बताएका हुन् । उनले अहिले सरकार कांग्रेसकै बलमा रहेको उनको दाबी छ ।
‘केपी ओलीजी प्रधानमन्त्री हाम्रो बलमा, हाम्रो सहारामा हुनुहुन्छ । हामी बेगर उहाँ अगाडि एक्लै जान सक्नुहुन्छ भन्ने हामी कोही कल्पना गर्न सक्दैनौं,’– उनले भने ।
वर्तमान सरकार विशेष परिस्थितिबाट निर्माण भएको बताउँदै उनले यसलाई जोगाएर लानुपर्ने दायित्व रहेको बताए । उनले सरकार जोगाउनका लागि जोगाउनेमात्रै नभएर सरकारको निति र ब्यवहारबाट जनताको बीचमा कांग्रेसले ब्यापक काम गर्न सक्नुपर्ने उनको भनाइ छ ।File Photo/RN
