काठमाडौं । जनकपुरमा जारी एलिट कप क्रिकेटमा बागमती प्रदेशका ओपनर ब्याटर रीत गौतमले अर्धशतक हिर्काएका छन् ।
विभागीय टिम नेपाल पुलिस क्लबविरुद्ध पहिलो पालीमा ९५ रनले पछि परेको अवस्थामा ब्याटिङ थालेको बागमतीका लागि रीतले ९१ बलमा ८ चौकाको मद्दतमा ५२ रन जोड्दै अर्धशतक पूरा गरेका हुन् । ताजा अवस्थामा बागमतीले ३२ ओभरमा १४८ रन जोड्दै ४५ रनको अग्रता लिएको छ ।
प्रतियोगितामा पुलिस लगातार दोस्रो जितको खोजीमा छ । पुलिसले पहिलो खेलमा त्रिभुवन आर्मी क्लबसँग ‘ड्र’ खेलेको थियो । पुलिसले दोस्रो खेलमा मधेस प्रदेशविरुद्ध एक इनिङ र ३५ रनको जित निकालेको थियो ।
वाग्मती भने पहिलो जितको खोजीमा छ । वाग्मतीले पहिलो खेलमा मधेस र दोस्रोमा आर्मीसँग ‘ड्र’ खेलेको थियो ।
