काठमाडौं । परराष्ट्रमन्त्री डा. आरजु राणा देउवाले चीनसँग भएको बीआरआई सम्झौतामा कहिँ कतैपनि ऋण शब्द उल्लेख नभएको प्रष्ट पारेकी छन् ।
सोमबार अन्तर्राष्ट्रिय सम्बन्ध र पर्यटन समिति बैकमा सांसदहरुले राखेका जिज्ञासाहरुको जवाफ दिँदै उनले चीन सरकारसँग ऋण लिनेसम्बन्धी कुनैपनि समझदारी पत्रमा हस्ताक्षर नभएको प्रष्टीकरण दिएकी छन् ।
‘दस्तावेजमा ‘ऋण’ शब्द छैन , एकसयपटक पढ्नोस्, ऋण शब्द भेटिँदैन । मैले चीनको परराष्ट्रमन्त्रीज्यूलाई स्पष्टसँग कुरा राखेको छु । अहिले हामीले जतिपरि परियोजना यसमा हालेका छौं, त्यो सबै एड फाइनान्सिङमै आउँछ। चीन सरकारले पनि के भन्नभुभएको छ भने जतिपनि परियोजना हामीले दिने भनेका छौं, त्यही अन्तर्गत आउँछ ’ उनले भनिन् ।
प्रधानमन्त्री केपी शर्मा ओलीले गत मंसिर १७ देखि २० गतेसम्म चीनको औपचारिक भ्रमण गरेका थिए । भ्रमका बेला नेपाल र चीनबीच बेल्ट एन्ड रोड सहकार्य फ्रेमवर्कलगायत १० वटा समझदारी तथा सम्झौतापत्रमा हस्ताक्षर भएको थियो ।
