काठमाडौं । नेपाल पत्रकार महासंघका पूर्वअध्यक्ष एवं सार्वजनिक प्रसारण सेवा नेपालका अध्यक्ष डा.महेन्द्र विष्टलाई पितृशोक परेको छ ।
विष्टका ९१ वर्षीय पिता मानबहादुर विष्टको बिहीबार महाराजगञ्जस्थित त्रिभुवन शिक्षण अस्पतालमा निधन भएको हो । विष्टको निधनप्रति नेपाल पत्रकार महासंघले दुःख व्यक्त गरेको छ ।
शुक्रबार महासंघका महासचिव रामप्रसाद दाहालले एक विज्ञप्ति जारी गर्दै विष्टप्रति श्रद्धाञ्जली अर्पण गर्दै शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामना गरेका छन् ।
