काठमाडौँ। समाजवादी प्रेस संगठन, नेपालका वरिष्ठ उपाध्यक्ष नवराज छत्कुलीलाई संगठनको कार्यबाहक अध्यक्षको जिम्मेवारी प्रदान गरेको छ।
आइतबार नेकपा एकीकृत समाजवादीको केन्द्रीय कार्यालय आलोकनगर, काठमाडौँमा बसेको पदाधिकारी बैठकले छत्कुलीलाई कार्यबाहक अध्यक्षको जिम्मेवारी तोकेको हो।
पार्टी उपाध्यक्ष तथा प्रचार विभाग प्रमुख प्रकाश ज्वाला, पोलिटब्यूरो सदसय तथा विभाग उपप्रमुख दामोदर अर्याल, केन्द्रीय सदस्य चमिना भट्टराई, संगठनका संस्थापक अध्यक्ष शम्भु श्रेष्ठलगायतको उपस्थितिमा बैठक सम्पन्न भएको हो ।
बैठकले पूर्व अध्यक्ष विश्वमणि सुवेदी, महासचिव रामकुमार एलन, सचिव नेपोलियन चेपाङ, कोषाध्यक्ष कृपाा भण्डारीलाई यसअघि माघ ४ गते गरिएको कारबाहीलाई अनुमोदन गरेको छ। साथै बैठकले आगामी फागुन ६ र ७ गते संगठनको केन्द्रीय कमिटी बैठकसँग राष्टिय भेलाको आह्वान गरेको छ।
