काठमाडौं, १० माघ । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ बाँकेको खजुरा–३ धवलागिरी गाउँमा पुगेर सहिद परिवारसँग भेटघाट गरेका छन् । उनले त्यस क्षेत्रका सहिद परिवारसँग भेट गरेका हुन् । प्रचण्डले सहिद परिवारसँगै बसेर खानासमेत खाएका थिए ।
सो क्रममा उनले सहिदहरु कहिल्यै नमर्ने उल्लेख गर्दै सहिद परिवारको दुःख पीडाको साथी पार्टी भएको बताए । प्रचण्डले आफू तेस्रो पटक प्रधानमन्त्री भएको बेला जनयुद्धका सबै सहिदलाई राष्ट्रिय सहिद घोषणा गरिएको जानकारी दिँदै अब सहिद तथा बेपत्ता परिवारको सम्मान गर्ने बताए ।
