काठमाडौं । राजधानीमा जारी जय नेपाल कप क्रिकेटमा भारतको लखनउ विश्वविद्यालयविरुद्ध नेपालको मध्यपश्चिम विश्वविद्यालयले रोमाञ्चक जित निकालेको छ । आज भएको खेलमा मध्यपश्चिम विश्वविद्यालयले दुर्य विकेटको रोमाञ्चक जित निकालेको हो ।
लखनउले दिएको १४२ रनको लक्ष्य मध्यपश्चिम विश्वविद्यालयले खेल सकिन २ बल बाँकी रहँदा ८ विकेट गुमाएर पूरा गर्यो । मध्यपश्चिम विश्वविद्यालयका लागि निश्चल रावलले ४९ तथा दिपक डुम्रेले ४३ रनको योगदान दिए । मनिष थापाले १५ रन थपेको खेलमा विपिन खत्रीले १४ रन थपे ।
बलिङतर्फ लखउनका सञ्जय विशाखाले ४ तथा अभिषेक सोनीले दुई विकेट लिए । यसअघि त्रिवि मैदानमा पहिलो ब्याटिङ गरेको लखनाउनले निर्धारित २० ओभरमा ८ विकेट गुमाएर १४१ रन जोडेको थियो । उसका लागि आदित्य प्रतापले ६२ तथा ओमकार सिंहले ३२ रन बनाए ।
प्रतियोगितामा तीन देशका ८ विश्वविद्यालयका टोलीबीच प्रतिस्पर्धा हुँदैछ।
समूह ‘ए’ त्रिभुवन विश्वविद्यालय, ढाका विश्वविद्यालय, पूर्वाञ्चल विश्वविद्यालय र बाबासाहेब भीम राव अम्बेडकर विश्वविद्यालय बिहार छन्।
समूह ‘बी’ मा काठमाडौं विश्वविद्यालय, लखनऊ विश्वविद्यालय, दिल्ली विश्वविद्यालय र मध्यपश्चिम विश्वविद्यालय छन्।
