काठमाडौं । साफ च्याम्पियनसिप २०२४ को फाइनलमा आज नेपालले बंगलादेशसँग भिड्दैछ । खेल दशरथ रंगशालामा साँझ साढे ६ बजेबाट हुँदैछ । आजको खेलमा नेपालको एक खेलाडी परिवर्तन भएका छन् ।
बंगलादेशविरुद्ध फाइनल खेल्ने नेपाली टिममा एक परिवर्तन भएको छ । यसअघि सेमिफाइनलमा रातो कार्ड पाएकी रेखा पौडेल एक खेलमा निलम्बित हुँदा उनको स्थानमा मिडफिल्डर सरु लिम्बूले मौका पाएकी छन् । नेपाली टिम गोलकिपर एन्जिला तुम्बाप्पो सुब्बाको कप्तानीमा मैदान उत्रिने छ ।
नेपाली टिम: एन्जिला तुम्बाप्पो सुब्बा (कप्तान, गोलकिपर), गीता राना, अमिषा कार्की, पुजा राना, विमला विक, अमृता जैसी, रेनुका नगरकोटे, सरु लिम्बू, प्रीति राई, सविता राना मगर र सावित्रा भण्डारी
