काठमाडौं, ११ मंसिर । नेपाली कांग्रेसका नेता सुवास पोखरेलले कम्युनिष्टहरु रहेसम्म नेपाल गरिब नै रहने टिप्पणी गरेका छन् । हिजो (सोमबार) प्राइम टाइम्स टेलिभिजनको जनता जान्न चाहन्छन् कार्यक्रममा पत्रकार ऋषि धमलासँग संवाद गर्दै उनले कम्युनिष्टहरुको समाजवादको भाष्यले नेपाललाई झनझन गरिब बनाउने बताएका हुन् । कम्युनिष्टहरुले देशमा गरिबी बाँडिरहेको उनको दाबी छ ।
‘जबसम्म कम्युनिष्टहरु नेपालमा रहन्छन्, तिनीहरुको समाजवादको भाष्यले हामीलाई झनझन गरिब बनायो । गरिबी बाड्यो, गरिबी बाँडेर देश सम्पन्न हुँदैन,’– उनले भने ।
