काठमाडौं । आइतबार भएको स्थानीय तह उपनिर्वाचनको मत परिणाम आउनेक्रम जारी छ । हालसम्म ३७ स्थानको मत परिणाम सार्वजनिक भइसकेको छ । काठमाडौंको कीर्तिपुर नगरपालिको मेयरको मत गणना जारी छ ।
यता हुम्लाको सर्केगाड गाउँपालिकाको उपाध्यक्ष पदको मतगणना सुरु भएको छ । आइतबार भएको उपनिर्वाचनअन्तर्गत सोमबार बिहानदेखि मतगणना थालिएको हो ।
प्रारम्भिक मतगणनामा नेपाली कांग्रेसका उमेदवार सविता बुढाले अग्रता कायम गरेकी छन् । १७२ मतगणनामा उनले ६८ मत पाएकी छन् । उनलाई पछ्याइरहेका नेकपा एमालेकी उमेदवार जाना शाहीले ५०, नेकपा माओवादी केन्द्रकी देवकी तिमल्सिनाले ४८ मत ल्याएका छन् ।
यस्तै, राष्ट्रिय स्वतन्त्र पार्टी (रास्वपा) की उमेदवार बाँचा बुढा र राष्ट्रिय प्रजातन्त्र पार्टी (राप्रपा) की संगीता शाहीले दुईरदुई मत प्राप्त गरेका छन् ।
