जनकपुरधाम ४, माघ । जनता समाजवादी पार्टी नेपालको भातृसंगठन समाजवादी विद्यार्थी युनियन नेपाल र समाजवादी युवा संघ नेपालले संयुक्त रुपमा शहिदगेटमा शहिदहरुको शालिकको बृहत सरसफाई गरेका छन्।
शुक्रबार जनकपुरधाम उपमहानगरपालिका वडा नम्बर-१४ का अध्यक्ष पुण्यप्रसाद यादवको पहलमा उपमहानगरपालिकाका सरसफाई कर्मचारी, पानी ट्यंकी र बारुण यन्त्रको बिशेष सहयोगमा बृहत सरसफाई गरिएको हो ।
समाजवादी विद्यार्थीका जिल्ला अध्यक्ष रामभगत यादवको नेतृत्वमा जनकपुरधाम-१४ स्थित मुजेलिया भएको कार्यक्रममा जसपा नेपालका केन्द्रिय सदस्य लालकिशोर साह, जितेन्द्र यादव, जिल्ला अध्यक्ष पशुपति यादव, विद्यार्थी नेता बिकास यादव, बलिराम कापरी, रामकुमार साह, किशन यादव, रोहित यादव र धिरु यादव सहित पार्टीका नेता तथा कार्यकर्ता, विद्यार्थी, युवा र स्थानीय नागरिकहरुको सहभागिता रहेको थियो।
साथै भोलि शनिबार मधेश बलिदानी दिवसको अवसरमा जनकपुरधाम-१४ मुजेलियामा शहिदगेटमा शहिदहरुको शालिकमा माल्यार्पण र जनकपुरधामको रमेश चौकमा साझ ४ बजे दिपप्रज्वलन गरि श्रद्धाञ्जली सभा मनाउने विद्यार्थी जिल्ला यादवले जानकारी दिए ।
