काठमाडौं । धनगढीमा जारी प्रधानमन्त्री कप राष्ट्रिय महिला क्रिकेटमा बागमती प्रदेशकी बलर मनिषा उपाध्यायले ह्याट्रिक विकेट लिएकी छन् ।
फाप्ला क्रिकेट मैदानमा टस जितेर फिल्डिङ गरिरहेको बागमतीका लागि मनिषाले खेलको ९ ओभरको दोस्रो तेस्रो र चौथो बलमा लगातार विकेट लिँदै ह्याट्रिक गरेकी हुन् । उनले ९।२ ओभरको बलमा ७ रन जोडेर खेलिरहेकी लकिता राजवंशीको विकेट लिँदा तेस्रो बलमा टीका शाह र चौथो बलमा सानु राजवंशीको विकेट लिईन् । उनीहरु दुवै जना शून्य रनमा आउट भए । मनिषाले आज समग्रमा चार विकेट लिईसकेकी छन् ।
खराब मौसमा कारण १३ ओभरमा झारिएको खेलमा बागमतीले ६४ रनको लक्ष्य दिएको छ । निर्धारित १३ ओभरमा ६ विकेट गुमाएर कोशीले ६३ रन जोड्यो । कोशीका लागि कप्तान रुविना क्षेत्रीले १५ तथा विमला मल्लाहले १९ रन जोडिन् । कोशीले १४ रन अतिरिक्तमा पायो । अरु खेलाडीले दोहोरो अंकमा रन जोड्न सकेनन् ।
