काठमाडौं १७ असार ।
सोलुखुम्बुको दुधकोशी गाउँपालिकामा एमालेका बुद्धिकिरण राई र उपप्रमुखमा पनि एमालेकै जुनिता मगर विजयी भएका छन् । गाउँपालिका प्रमुख पदका उम्मेदवार राईले २१९१ मत र उप्रमुख पदकी मगरले २२६२ मत ल्याइन् । उनका निकटतम प्रतिद्वन्द्वी नेपाली कांग्रेसका भोजराज कार्कीले १५९९ र उपप्रमुख पदकी उम्मेदवार उम्रिता राईको १६०८ मत आएको छ । उक्त गाउँपालिकामा ५४४१ मत खसेकोमा ३ सय ४५ मत बदर भएको छ ।
जम्मा ७ वडा मध्ये एक वडामा माओवादी केन्द्र, चार वडामा नेकपा एमाले र दुई वडामा नेपाली कांग्रेसले जित हात पारेको छ ।
जसमध्ये वडा नं १ मा माओवादी केन्द्रका अगम सिं राई सहित प्यानल विजयी भएको छ भने वडा नम्बर २ मा नेकपा एमालेका तेजबहादुर मगर, ३ मा एमालेका नारणकाजी कार्की, ४ मा एमालेकै डबल सिं राई सहित सम्पूर्ण प्यानल विजयी भएको छ ।
