धनराज वास्तविकः काठमाडौं, १४ साउन । नेपाली नारीहरूको महान चाँड हरितालिका तिज आउन अझैँ २६ दिन बाँकि छन् । तिज गीत निमार्णको काम बिस्तारै सेलाउदै गएको सहज अनुमान गर्न सकिन्छ । एक महिना पनि समय बाँकि नरहेको स्थितिमा सर्जकले अब पनि के गीत निकाल्नु भन्ने जस्ता कुरा गर्न थालिसकेका छन् ।
जहिले चर्चामा रहने गायक पशुपति शर्मा यस पालिको तिजका गीतमा पनि उत्तिकै चर्चा बटुल्न सफल भए । हामीले यूटुवमा हेरिएको आधारसँगै सामाजिक सञ्जालमा टिका टिप्पणी गरिएका गीतहरुको आधारमा यो सुचि तयार पारेका छौँ।
पशुपति शर्मा, मन्जु बि.क
गायक पशुपति शर्माले यस वर्ष तिजको अवसरमा आधा दर्जन भन्दचा बढि तिजका गीत गायका छन् । गायक शर्मा प्राय गीत सन्देश वाहक गीतका भाकाहरु गाउने गर्दछन् ।
नेपाली लोक दोहोरी कला क्षेत्रका चर्चीत सर्जक शर्मा आफ्नै लय शब्दमा गाउने दुर्लव सर्जक तथा गायक पनि हुन । मन्जु बि.कको तिज गीत ‘भविष्णवाणी’ बोलको गीत यो समाचार तयार पार्दासम्म यस वर्ष सबैभन्दा बढि हेरिएको गीत हो ।
बद्री पंगेनी, प्रिया भण्डारी
चर्चित गायक बद्री पंगेनी र समुधुर आवाजकी धनी गायिका प्रिया भण्डारीको स्वरमा ‘भाउजुको हाई हाई छ’ बोलको सन्देश मुलक तिज गीतले यतिबेला बजारमा तहल्का पिटिरहेको छ ।
श्रीमानले प्रदेशमा पशिनासँग जवानी साटेर कमाएको कमाई स्वदेशमा श्रीमतिले हिफाजि गर्न नसकेकोमा यस्ता अराजकतालाई रोक्नको लागि खबरदारी दिएका छन् । यस गीतले पाउनु पर्ने चर्चा नपाउनुमा गायक पंगेनीको सामाजिक काण्डले केही प्रभाव पारेको हुन सक्ने अनुमान गर्न सकिन्छ । गीतले भनेको भावलाई जिवन्त तुल्याउने गरि चर्चित निर्देशक शंकर विसीले यस गीतको निर्देशन गरेका छन् ।
खुमन अधिकारी, लक्ष्मी आचार्य
गायक खुमन अधिकारीले यस वर्ष गायक खुमन अधिकारी र लक्ष्मी आर्चाले स्वर रहेको ‘भिटामिन’ बोलको गीत चर्चामा रहयो ।
यो गीतको बारेमा राम्रो भन्दा पनि नराम्रो तरिकाले हेरेको देखिन्छ । गलामरताको अनुसरण गरेकी गायिका आचार्य नेपाली गीत संगीतको क्षेत्रमा सकारात्मक काम गर्नेहरूको आँखाको तारो नै बनेकी छिन भन्दा फरक पर्दैन ।
सिन्धु मल्ल
गायिका सिन्धु मल्लको यसपालीको तिजको गीतले राम्रै चर्चा पायो । ‘अहिलेको तिज’ बोलको गीतमा चर्चात नायिका वार्षा राउत र वर्षा सिवाकोटीको अभिनय रहेको उक्त गीत राजकुमार बगरको शब्द रहेको छ ।
दिपाश्री निरौला
कलाकार दिपाश्री निरौलाले अभिनय गरेको तिज गीत ‘बैनिको भिनाजु’ पनि उत्तिकै चर्चामा रह्यो । शोभा थापाको आवाजमा तयार भएको उक्त गीतमा निरौला र उनकी बहिनि रानु निरौलाको अभिनयका कारण पनि यो गीत चर्चामा रहेको हो ।
कोमल वली
गायिका कोमल वलीले यसपालीको तिज गीतमा पहिलेका वर्ष जस्तो चर्चा नपाएपनि उनि चर्चामा नै रहिन । ‘म त नाच्दिन के रे’ बोलको गीत बजारमा ल्याएकी वलीलाई उनकै बहिनी प्रज्ञा वलीले साथ दिएकी छन् ।
