काठमाडौं ८ असोज । जीतपुरसिमरा उप–महानगरपालिकाको मेयरमा डा कृष्ण पौडेल र उप–मेयरमा सरस्वती चौधरी निर्वाचित भएका छन् । सत्तारुढ दल नेपाली काग्रेस र माओवादी केन्द्रका उम्मेदवारलाई पाखा लगाउदै डा. पौडेल मेयर र चौधरी उप–मेयरमा निर्वाचित भएका हुन् ।
पौडेलले १४८६५ मत ल्याएका छन् भने, चौधरीको पक्षमा १४४५९ मत खसेको छ । नेपाली काग्रेसका कृष्णब्रत सिंहले १२०४३ मत र काग्रेसकी निरु रायमाझीले १२४६५ मत प्राप्त गरिन् ।
नेकपा माओवादी केन्द्रका राजन पौडेलले ११२४८ मत ल्याए भने माओवादी केन्द्रकी गायत्रीदेवी थरुनीले १०८६६ मत ल्याइन् ।
मेयरमा निर्वाचित भएपछि डा. पौडेलले जीतपुरसिमरालाई समृद्ध उप–महानगरको रुपमा बिकास गर्ने प्रतिवद्धता जनाएका छन् ।
