काठमाडौं, १९ माघ । राजधानीको अनामनगरमा अवस्थित म्युजिक बैंक नेपाल रेकर्डिङ स्टुडियो परिवारले चौथो नमुनाबस्ती सन्तपुरको लागि ५१ हजार १ सय ५५ रुपियाँ प्रदान गरेको छ । चर्चित गायिका राधिका हमालले उक्त चेक धुर्मुस–सुन्तली फाउण्डेशनका अध्यक्ष सिताराम कट्टेललाई हस्तान्त्ररण गरेकी हुन ।
उनले आफ्नो फेशबुकमा लेखेकी छन्,‘यस नमूना बस्तीका अथक अभियन्ता आदरणीय कलाकार सिताराम कट्टेल ‘धुर्मुस’ ज्युलाई प्रदान गर्न पाउदा हर्षित छु, यही माघ २३ गते बस्ती हस्तान्तरण हुदैछ, म त आइसके हजुरहरु पनि पक्का आउनुहोस्,यहाको बयान शब्दमा गरेर साध्य छैन, नमुना साच्चिकै नमुना बनेको छ ।’
उनले अघि लेखेकी छन्,‘तर पछिल्लो समयमा आर्थिक समस्याको समाचारले मलाई तान्ने गर्यो र त्यो साचो छ,एकपटक फेरि तपाईं हाम्रो थोपा थोपा सहयोगको खाचो छ, हजुरहरुको पनि मनकारी मनको सकेसम्म दैलो, नसके झ्याल नभए खोपो सम्मभए पनि खोलेर सहयोग गर्नुहोस् है भन्न चाहन्छु ।’
