काठमाडौं, २१ माघ । चर्चित गायिका अन्जु पन्तको आवाजमा रहेको गीत ‘किन किन मलाइ तिम्रो मान्छे हुन मन लाग्यो’ बोलको गीतको भिडियो बजारमा आएको छ । चर्चित संगीतकार श्रीकृष्ण बम मल्लको संगीत रहेको उक्त्त गीतको शब्द रचना प्रसीमा थापाले गरेकी हुन् ।
कामना डिजिटल म्युजिक प्रालिले बजारमा ल्याएको गीत किन किन को म्युजिक भिडियो चितवनको बिभिन्न मनोरम स्थानमा छायांकन गरीएको छ । भिडियोको निर्देशन रबिन शंकरले गरेका हुन् । छायांकन मुकेश हुमागाईले गरेका हुन् भने अविनाश डीसीले भिडियोको सम्पादन गरेका हुन् । म्युजिक भिडियोमा रबिन शंकर र सुष्मा श्रेष्ठको उत्कृष्ट अभिनय देख्न सकिन्छ ।
