काठमाडौं, २३ चैत । हप्ताको शुक्रवार दुई वा दुईभन्दा बढी चलचित्र प्रदर्शन हुँदै आइरहेका हुन्छन् । यस हप्तामा चलचित्र ‘तिमीसँग’ ले भने सोलो रिलिजको अवसर पाएको छ ।
गत हप्तादेखि हलमा अड्डा जमाइरहेको फिल्म ‘शत्रु गते’ को बर्चश्वबीच यस चलचित्रले प्रदर्शन सुरु गरेको हो ।
करिश्मा मानन्धर अभिनीत फिल्म ‘हिरोज’ को रिलिज डेट पोस्टपोन्ड हुँदा ‘तिमीसँग’ ले सोलो रिलिजको अवसर पाएको हो । एकल रिलिजको मौका पाए पनि यस फिल्मले मल्टिप्लेक्समा निकै कम शो पाएको छ ।
अझै ‘शत्रु गते’ र गएको हप्ता रिलिज भएको बलिउड स्टार टाइगर श्राफ अभिनीत फिल्म ‘बागी २’ मा दर्शकको ‘फ्लो’ उस्तै रहेका कारण उक्त फिल्मले मल्टिप्लेक्समा कम शो मै चित्त बुझाउन बाध्य भएको छ ।
