काठमाडौं, २५ चैत । लोकप्रिय सर्जक तथा गायक जीवन पन्तको सुमधुर संगीत रहेको गीत एल्बम ‘मित्रता’ सार्वजनिक गरिएको छ । केही समय अघि राजधानीमा एक कार्यक्रमका बीचमा उक्त आधुनिक गीति एल्बमको बिमोचन गरिएको संगीतकार जीवन पन्तले जानकारी दिएका छन् ।
उक्त एल्बममा प्रेम बुढाथोकी, ओमकार ज्ञावली, रविन्द्र जोशी, प्रेम प्रसाद भट्टराई, कृष्ण गुल्मेली बाबु र जीवन पन्तकै शब्द रहेको छ । चर्चित गायक राजेश पायल राई, प्रमोद खरेल, अन्जु पन्त, हिमाल सागर, सन्तोस लामा, रजेनी रिमाल, मेलिना राई लगायत कलाकारहरुको स्वर रहेको छ ।
डि.आर अटु, श्रीकृष्ण बम मल्लको पनि एउटा एउटा गीतमा संगीत रहेको छ । यस गीति एल्बमलाई सार्थक डिजिटलले बजार व्यवस्थापन गरेको छ ।
