काठमाडौं, २० बैशाख । लोकप्रिय मोडल तथा निर्देशक रविन शाहको निर्देशनमा ‘मैले माया मागे होला’ बोलको गीत बजारमा आएको छ । विगत पाँच वर्षदेखि भिडियो निर्देशनमा लागेको रविनले तीनसय बढि गीतको भिडियो निर्देशन गरिसकेको बताउछन् । उनी निर्देशन गर्नु भन्दा पहिले कोरियोग्राफरमा लागेको भने १५ वर्ष वितिसकेका छन् ।
प्रिय नेपालको यूटुव च्यानल मार्फत सार्वजनिक गरिएको ‘मैले माया मागे होला’ गीतमा चर्चित गायक राजेश पायल राईको स्वर रहेको छ । उक्त गीतमा समावेश शब्दहरुको भावसँग दौडिएका दृश्यहरुलाई हेर्दा लाग्छ,जीवनमा प्रेमको ठूलो अर्थ र आवश्यकता छ ।
मन परेको मायालाई अर्काको अंगालोमा देख्दा कुन मानिस भावविह्विल बन्दैन र ? रविन शाहले यस गीतमा अब्बल अभिनयको पाटो समालेका छन् । एउटा प्रेमीकाले छोडेर जादाको पलमा पात्र पागल बन्छ । त्यहि पागल बनेको पात्रलाई अर्को कुनै अञ्जान केटीले उसको वास्तविकता थाह पाउछिन् र अस्पतालसम्म लैजान्छिन् ।
केही समय पछि पागल बनेको पात्रमा परिवर्तन आउँछ । र उसैलाई माया गरेको दृश्य देख्न पाईन्छ । पहिलेको प्रेमीका पछि आएर पश्चाताप गर्नेमा पुग्छिन् । यस गीतमा अभिनय तर्फ रविन शाह, आरुसी मगर, सपना सिवाकोटी र विकास दाहाललाई देख्न सकिन्छ ।
यस गीतका शब्द भूवन शर्मा कँडेल र संगीत विशाल ढकालको रहेको छ । त्यस्तै गीतका सुन्दर दुश्यहरु सन्तोस सुनारले कैद गरेका हुन भने भिडियो सम्पादन अभिनास डिसीले गरेका हुन ।
