काठमाडौं, २५ बैशाख । कर्णाली प्रदेश अन्तरगत सुर्खेतकी चेली, लोक प्रिय मोडल एवम् नायिका दीपाशा बिसी र नायक शितल केसीको अभिनयमा नयाँ गीत सावर्जनिक भएको छ ।
चर्चित गायिका पूर्ण कला र बलु बिसीको यूगल स्वरमा तयार पारिएको चर्चित बोलको लोक तथा दोहोरी गीत सार्वजनिक भएको हो । गीतको बजार व्यवस्थापन भावगंगा डिजिटल प्रालिले गरेको छ ।
नायक शितल केसीलाई चिन्नेहरु प्रायले कान्छा राजेश हमाल भनेर सम्बोधन गर्ने गरेका छन् । कसिलो बान्की परेको खाइलाग्दो शरीर झट्ट हेर्दा राजेश हमालसँग मिल्दो जुल्दो शारीरिक बनावट र हाउभाउका कारण पनि उनलाई कान्छा राजेश हमालको उपमाले सम्बोधन गरेको हुन सक्छ ।
तर, उनलाई हमालको डुब्लिकेट भनेको पटक्कै मन पर्दैन । उनै नायक केसी र मोडल दीपाशा बिसीको अभिनय रहेको गीतमा नायक केसीले दीपाशाको स्वरको तारिफ गर्दै स्टुडियोसम्म लगेको दृश्य देख्न सकिन्छ । चलचित्रमा समेत उपस्थिति जनाएर आफूलाई सफल प्रमाणित गरिसकेकी दीपाशा र केसीको केमेष्ट्रि चाहि मिलेको भन्न सकिन्छ ।
सन्तोस मगरको शब्द सिर्जना तथा एकनारायण भण्डारीको सुमधुर लयमा तयार पारिएको गीतमा नायक शितल केसी र दीपाशा बिसीको अभिनय रहेको छ । यस गीतमा ज्ञानेन्द्र केसीको निर्देशन, सागर गौतमको छायांकन र प्रदीप दाहालको सम्पादन रहेको छ ।
https://www.youtube.com/watch?v=Z7SryNsdcPY&feature=share
