काठमाडौँ, २२ वैशाख । अखिल नेपाल फुटबल संघ (एन्फा)को अध्यक्षमा कर्माछिरिङ शेर्पा निर्वाचित भएका छन् । प्रत्यासी मणि कुँवरलाई ५१ मतले हराउँदै शेर्पा निर्वाचित भएका हुन् । शेर्पाले ६३ मत पाउँदा कुँवर १२ मतमा सीमित भए ।
शनिबार ललितपुरमा भएको १६ औं साधारणसभाबाट शेर्पाको नेतृत्वमा नयाँ कार्यसमिति निर्वाचित भएको छ। कार्यसमितिमा सबै शेर्पा प्यानलका निर्वाचित भए। साधारणसभामा ७५ जिल्लाका प्रतिनिधिले भाग लिएका थिए।
