काठमाडौं ७ जेठ । लोकप्रिय सर्जक तथा गायक प्रकाश सपुतको पछिल्लो समयमा सार्वजनिक भएको नयाँ गीत ‘बोल माया’ले सार्वधिक लाईक, कमेन्ट र भ्युज पाएको छ ।
बिदेशीएका नेपालीहरुको जीवनका भोगाई र विदेशमा विविध कारणले जीवन लिला समाप्त पारेको दु:खान्तलाई मुल कथा बनाएर गायक प्रकाश सपुतले उक्त गीत निर्माण गरेका हुन । उक्त गीतले धेरैलाई रुवाएको छ । सामाजिक सञ्जालमा स्टाटस बन्न पुगेको छ ।
यो समाचार तयार पार्दासम्म गीतले पाँच लाख दर्शक बनाइसकेका छ ।गीतको लय-शव्द प्रकाश सपुतले बनाएका हुन भने बरिष्ठ गायक नारायण रायमाझी र शान्तिश्री परियारको आवाज रहेको छ ।
प्रकाश सपुतको निर्देशनमा तयार पारिएको उक्त गीत करन चैसिरले छायांकन गरेका हुन । प्रविण भट्टले गीतको भिडियो सम्पादन गरेका छन् । अञ्जली अधिकारी, प्रकाश सपुत र अन्य कलाकारहरुको अभिनय रहेको छ ।
