काठमाडौं, ३२ असार । नेपाली समाजले स्वःतह उपाधिका रुपमा सम्बोधन गरेको र स्वीकार गरेको शब्द हो ‘बहूमुखी प्रतिभा’ । उल्लेखित शब्दको गरिमा र अस्तित्वका आधारमा सम्बोधन गर्न लायक भने जो सुकै बन्न सक्दैन भन्दा अन्यथा हुँदैन ।
तमाम ढुङ्गाहरुकोबीचमा सालिग्राम लुकेको हुन्छ भने झैं तमाम मानिसहरुकोबीचमा भेटिने हो बुहमुखी प्रतिभा पनि । सञ्चार जगतमा रहेर नेपाली कला क्षेत्रको बिकास, विस्तार र संरक्षणमा निरन्तर लागि पर्ने कमै व्यक्ति भेटिन्छन् ।यस्तै कम व्यक्तिको सूचिमा पर्छिन् धादिङ्की सञ्चारकर्मी शोभा त्रिपाठी ।
यो पनि पढ्नुहोस्
‘साथ देउ’ मा शोभा र दुर्गेशको ‘केमिष्ट्रि’ भिडियो सहित
पछिल्लो समय जनता टेलिभिजनमा कार्यरत त्रिपाठी एउटा सञ्चारकर्मी मात्रै नभएर लोकप्रिय स्टेज कार्यक्रम प्रस्तोता पनि हुन । दर्जनौं गीतमा आवाज दिईसकेकी त्रिपाठी विगत १० बर्षदेखि यस क्षेत्रमा योगदान दिदै आएकी छन् ।
उनका तीजका मात्रै नभएर आधुनिक, लोकपप, दोहोरी गीत समेत बजारमा राजगर्न सफल छन् । यो वर्ष उनले २ वटा तिज गीत बजारमा ल्याउदै छन् । जस मध्य आजमात्रै खुमन अधिकारीको शब्द संगीतमा तयार पारिएको ‘तिमी चाहिन्छ’ बोलको तीज गीत युटुव मार्फत सार्वजनिक गरिएको जानकारी दिएकी छन् । अर्को गीत केही दिनमै बजारमा पठाउने तयारीमा छन ।
