काठमाडौं, १ साउन । गायक प्रमोदराज न्यौपानेको नयाँ म्युजिक भिडिओ सार्वजनिक भएको छ । दुई बर्ष अघी प्रकाशित उनको एल्बम ‘मेरो घरको छानो’ मा संग्रहित ‘भेट भयो तिमीसँग’ बोलको रोमान्टिक मेलोडियस गीतमा भिडिओ बनेको हो ।
आधुनिक र गजलको मिश्रित शैलीमा बनेको यस गीतमा गायक प्रमोदराजसँग गायिका निशा देसारले माइक सेयर गरेकी छिन । गीतमा युरानको शब्द रचनामा सागर किनारले संगीत भरेका छन ।
त्यस्तै संगीत सम्योजन राजन इशान को रहेको छ । बिगत ९ बर्ष देखी बेलायत बस्दै आएका गायक प्रमोदराजको गत बर्ष सार्बजनिक पप शैलीको गीत ‘रहेसम्म’ पछीको बेलायतमा छायांकन गरिएको उनको यो दोस्रो भिडियो हो ।
त्यस अघी उनले नेपालमा बनेको भुसण दाहाल निर्दे्शित भिडिओ बजारमा ल्याएका थिए । भिडिओमा नेपाल कै झझल्को दिने युकेको पहाडी क्षेत्र वेल्सका सुन्दर दृश्यहरुमा मनोज मेहता र रोशना कार्कीको रोमान्स देख्न सकिने छ ।
रोशनाले प्रमोद कै एस अघी सार्वजनिक गीत ‘रहेसम्म’बाट म्युजिक भिडिओमा डेब्यु गरेकी थिइन । लन्डनमा एक सफल ब्यबसायीको परिचय बनाएका मनोजको भने यो पहिलो भिडिओ हो । प्रभु गुरुङको कोरिओग्राफिमा लन्डनमा तयार भएको यस् भिडिओको छायांकन, सम्पादन र निर्देशन कुशल श्रेष्ठले गरेका छन ।
