महेश भण्डारीः काठमाडौं, ९ साउन । नेपाली नारीहरुको महान चाँड हरितालिका तीजको मौका पारेर कलाकारहरुले तीजका बिशेष भाकाहरु बजारमा ल्याईरहेका छन ।
यसै क्रममा चिर–परिचित गायिका बन्दना पाण्डेले तीजको मौलिकभाका ‘माईति घर आबेला’ नामक गीत प्रतिस्पर्धाको बजारमा उतारेकी छन । जुन गीतलाई तिर्सना म्युजिक प्रालिले बजार व्यबस्थापन गरेको छ ।
यस पालिको तीजलाई लक्षित गरेर बजारमा ल्याएको यस गीतमा लय तथा शब्दमा स्वयम पाण्डेको स्वर रहेको छ । माईती घरको आगनमा छमछमी नाच्दै गरेको म्युजिक भिडियोमा अनु पराजुलिको बेजोड नृत्य देख्न सकिन्छ ।
मौसम हिमालीले निर्देशन गरेको यो गीतको छायाङकनमा दुर्गा पौडेलले निकैराम्रो कलाबाट क्यामरामा दृश्य कैद गरेका छन । निकै नै नाचौ नाचौ लाग्ने गरि बजारमा आएको यस गितमा नबिन घर्ती मगरको सम्पादन रहेको छ ।
