काठमाडौं, २२ साउन । प्रमुख प्रतिपक्षी दल नेपाली कांग्रेसको केन्द्रीय समिति बैठक आज बस्दैछ । समसामयिक राजनीतिक विषयमा छलफल गर्न केन्द्रीय समिति बैठक आह्वान गरिएको प्रवक्ता विश्वप्रकाश शर्माले जानकारी दिए ।
पार्टीको केन्द्रीय कार्यालय सानेपामा अपराह्न ३ बजे बस्ने बैठकमा विद्यमान समसामयिक राजनीतिक विषयका अतिरिक्त पार्टीको आन्तरिक गतिविधिबारे छलफल हुने उनले जनाए ।
बैठकले पार्टीको विधान संशोधनका लागि मस्यौदा समिति गठन, पार्टीको आन्तरिक संगठन परिचालन, संसदीय सुनुवाइ समितिको निर्णयबारेमा छलफल गरी केही ठोस निर्णय गर्ने जनाइएको छ । नेविसंघको विवाद र महाधिवेशनबारे पनि बैठकले ठोस निर्णय गर्न सक्ने जनाइएको छ ।
