काठमाडौँ,२३ साउन । प्रियंका चोपडा आजभोलि निकै चर्चामा रहेकी छन् । कहिले आफूभन्दा झण्डै १० वर्ष कान्छा प्रेमी निक जोनाससँगका सम्बन्धका कारण त कहिले बलिउडमा फिल्म छाड्नाले उनी चर्चामा छाइरहेकी छिन् ।
सलमान खानसँग ‘भारत’मा अनुबन्धित उनले फिल्मबाट अन्तिम समयमा आएर हात झिकेको खबर सेलाउन नपाउँदै उनले सञ्जय लीला भन्सालीको फिल्म समेत छाडेको खवरले यसबेला बलिउड बजार तातेको छ।
महिला ग्याङ्गस्टरको भुमिकामा आधारित फिल्म ‘गंगुबाई कोठेवाली’को भन्सालीले निर्देशन गर्न गैरहेका थिए जसमा मुख्य अभिनेत्रीका रुपमा खेल्न प्रियंकाले ग्रिन सिग्नल दिईसकेको भएपनिफिल्मको सुट्टिङ्गका लागि अन्तिम तयारीमा रहेका उनी अहिले प्रियंकाले फिल्मका लागि समय नभएको भने पछि अन्यौलमा परेका छन् ।
प्रियंकाले यसरी लगातार बलिउड फिल्महरु छाड्नाका पछाडि उनको निकसँग छिट्टै हुन लागेको विवाहलाई मानिएको छ भने अर्कोतर्फ हलिउडमा समेत उनलाई केही आर्कषक अफरहरु आइरहेकोले उनले बलिउड फिल्मलाई समय नदिएको हुनसक्छ भन्ने रहेको छ । हालै उनले एक हलिउड प्रोजेक्ट ‘काउ ब्वाय निन्जा भाइकिङ्ग’मा काम गर्ने पक्का भएको छ ।
अहिले सिंगापुरमा प्रेमी निक जोनसको कन्सर्टमा रमाइरहेकी प्रियंकाले बलिउडमा भने सोनाली बोस निर्देशित ‘द स्काई इज पिंक’मा फरहान अख्तरसँग अभिनय गर्ने लगभग पक्का भइसकेको छ । कन्ट्रयाक्ट साइन गरिसकेपछि फिल्म छाड्ने उनी यो फिल्म पनि पूरा गर्छिन वा गर्दिनन् हेर्न बाँकी छ ।एजेन्सि
