मुम्बई, २९ साउन । बलिउड अभिनेता रणवीर सिंह र अभिनेत्री दीपिका पादुकोणले २० नोभेम्बरमा सात फेरो लिने कन्फर्म भएको छ । फिल्मफेयरको रिपोर्टका अनुसार, यी दुईको विवाह इटालीमा हुनेछ । रणवीर र दीपिकाले विवाहसँग जोडिएका सबै तयारी सुरु गरेका छन् ।
यो ड्रिम वेडिङमा मात्र ३० जना पाहुना हुनेछन् । दीपिका-रणवीरभन्दा पहिला भारतीय क्रिकेट टीमका कप्तान विराट कोहली र एक्ट्रेस अनुष्का शर्माले पनि इटालीमा विवाह गरेका थिए ।
दीपिकाको नजिकका व्यक्तिका अनुसार, उनलाई इटाली निकै मन परेको छ, यसैकारण एक्ट्रेसले डेस्टिनेशन वेडिङ प्लान गरेकी हुन् । दीपिका(रणवीरको विवाहको मिति फाइनल भएसँगै दुवैलाई बधाई मिल्न सुरु भएको छ ।
इटालीमा बिहेपछि यो कपलले आफ्ना सबै साथीलाई मुम्बईमा ग्राण्ड रिसेप्शन दिनेछन् । दीपिका र रणवीरले कहिल्यै प्रेममा रहेको स्विकार गरेनन्, तर उनीहरु २०१३ देखि एकअर्कासँग डेट गरिरहेको बताइन्छ ।
यो जोडीले ुगोलियों की रासलीला रामलीला, बाजीराव मस्तानी र पद्मावतमा सँगै काम गरेका छन् । प्रेम र ब्रेकअपको खबरका बीच अन्ततः बलिउडको क्यूट जोडी रणवीर र दीपिका दुलहा-दुलही बन्ने पक्का भएको छ । एजेन्सी
