काठमाडौँ । किरण नेपालीको निमार्णमा बनेको नेपाली कथानक चलचित्र ‘डोली’को ‘झ्यानाकुटी झ्याई’बोलको गीत सार्वजनिक गरिएको छ ।लामो समयदेखी नेपाली चलचित्र जतमा योगदान पुर्याउदै आएका किरणको बहुप्रतिक्षित ‘डोली’को यो गित युट्युव मार्फत सार्वजनिक गरिको हो।
लोक लयमा तयार भएको यो गीतमा किशोर खतिवडा, पृथ्वीराज प्रसाई, प्रिया रिजाल, सानिया खान, संगीता नापितलगायतका कलाकारहरुकोे जोडदार अभिनय रहेको छ । राजबहादुर सानेको लेखन तथा निर्देशन रहेको यो चलचित्रलाई समाजमा घटिरहेका समसामयिक बिषय बस्तुलाई कथावस्तुमा उतारेर निर्माण गरिएको जानकारी गराईएको छ ।
भिडियो हेर्नकोलागि तलको लिङ्कमा जानुहोस
हरि उप्रेतीको शब्द रहेको यो गितमा सी डी बिजय अधिकारी र मेलिना राईको स्वर रहेको छ भने सी डी बिजयले यस्मा सङ्गीत भरेका छन। श्रीकृष्ण परियारको नृत्य रहेको यो गीतले छोटो समयमा नै दर्शकको मन जित्नेमा निर्माणपक्ष विश्वस्त देखिएको छ ।
डोली’को यो गीत केही समय अगाडी सार्वजनिक गरिने भनिएता पनि निर्माता किरणलाई पितृशोक परेपछि गीतको रिलिज समय केही दिन लम्बिएको निर्माण टिमले जानकारी गराएको छ ।
अर्जुन गुरुङ, नविन रेग्मी,हिमवाला गौतम, दामोदर खतिवडा, प्रशान्त भण्डारी तथा सतिश खत्रिको पनि चलचित्रमा अभिनय रहेको छ ।छायाङकार जयराम थापाले निकै नै सुन्दर तरिकाले क्यामेरामा कैद गरेको यो चलचित्र मसिंर २८ गतेबाट देशैभरिका सिनेमाघरहरुबाट एकसाथ प्रर्दशनमा आउन लागेको छ
