काठमाडौं । सानै उमेरदेखि सांगीतिक क्षेत्रमा होमिएका गायक भुपेन्द्र पुलामीको आवाजमा ‘तस्बिर छोएँ’ बोलको मर्मस्पर्शी लोकदोहोरी गीत सार्वजनिक भएको छ । मनु बन ‘सानू’ को शब्द र रोहित मल्लको लय रहेको यस गीतमा गायक पुलामीलाई गायिका तथा सर्जक मनु बन ‘सानू’ले साथ दिएकी छन् ।
आफूले माया गरेको मान्छेले साथ छोड्दा धेरै रोएको र हरेकपल सम्झिँदै उसैकै तस्बिर छोएको भन्ने भाव यस गीतमा देख्न र सुन्न सकिन्छ । नायक विजय केसी र संगीता मगरको अभिनय रहेको यस गीतलाई नरेन्द्र धामीले निर्देशन गरेका हुन् ।
निर्देशक धामी कै सम्पादन र महेश महराको छायांकनमा तयार भएको यस गीतलाई हाईलाइट्स म्युजिकको आधिकारिक युट्युब च्यानलमार्फत सार्वजनिक गरिएको छ ।
