काठमाडौं । लामो समयदेखि प्रेममा अल्झिएका बलिउडका चर्चित जोडी नायिका दीपिका पादुकोण र नायक रणवीर सिंहले इटालीमा बिहे गरेका छन् ।
इटालीमा बिहे सम्पन्न भएपछि उनीहरु आफैले ट्विटरमा तस्बिर राखेसँगै उनीहरुको तस्वीर विश्वभर भाइरल बनेको छ । उनका फ्यानहरुले बधाई दिदै आफ्नो सामाजिक सञ्जालमा सजाएका छन् । दीपिका र रणवीरले बिहे गरेको तस्बिर सार्वजनिक भएसँगै उनीहरुलाई वधाइको ओइरो नै लागेको छ ।
उनीहरुको तस्बिरलाई लाखौ दर्शकले लाइक गरेका छन् भने हजारौ वधाइका प्रतिक्रिया आइरहेका छन् । विश्वभरका कलाकारहरुले समेत उनीहरुलाई वधाई दिएका छन् ।
दीपिका र रणवीरको प्रेम चलचित्र ‘रामलिला’को छायांकन सेटबाट सुरु भएको थियो । यसपछि, उनीहरुले ‘बाजीराओ मस्तानी, पद्यमावत’ लगायतका चलचित्रमा काम गरेका थिए ।
दीपिका र रणवीरको जोडीले प्रेमलाई बिहेमा परिणत गरेको भन्दै उनीहरुका फ्यान समेत खुशी भएका छन् । उनीहरुले इटालीबाट फर्किए लगतै मुम्बई र बैंगलोरमा बिहे भोज समेत आयोजना गर्दैछन् । एजेन्सी
