डडेल्धुरा, १ मंसिर । डडेल्धुरामा शनिबार बिहान जीप दुर्घटना हुँदा १७ जना घाइते भएका छन्। शनिवार भागेश्वरबाट जिल्ला सदरमुकाम डडेल्धुरा जाँँदै गरेको महाकाली यातायातको म १ ज १८० नंको जीप भागेश्वर ४ मा दुर्घटना भएको प्रहरीले जनाएको छ ।
घटनामा १७ जना घाइते भएको र उनीहरुलाई उपचारका लागि अस्पताल लगिएको प्रहरीले जनाएको छ । घाइते मध्ये २ जनाको अवस्था गम्भिर रहेको जिल्ला प्रहरी कार्यालय डडेल्धुराले जनाएको छ। जीपमा १९ जना सवार थिए।
घाइते ९ जनालाई उपचारका लागि उप–क्षेत्रीय अस्पताल डडेल्धुरामा पठाइसकेको छ भने बाँकी घाइते ८ जनालाई अस्पताल ल्याउदै गरेको जिल्ला पहरी कार्यालय डडेल्धुराले जनाएको छ। बिस्तृत विवरण आउन बाँकी छ।
