काठमाडौं, २५ मंसिर । लोक दोहोरी गायक भागीरथ चलाउनेको नयाँ गीत ‘बेशी गाउँको रोधीमा’ सार्वजनिक भएको छ । आकर्षक भिडियोसहित सार्वजनिक गीत मौलिक एवं नाचौँ नाचौँ लाग्ने खालको रहेको छ ।
दिनेश सापकोटाको शब्द तथा गायक चलाउनेकै संगीत रहेको गीतमा उनलाई सम्झना भण्डारीले गायनमा साथ दिएकी छन् । गीत माथि बनेको भिडियोमा गायक रामजी खाँड र अलिस्मा चलाउनेको अभिनय रहेको छ ।
मौसम हिमालीको निर्देशन रहेको भिडियोलाई दुर्गा पौडेलले छायाँकन गरेका हुन् । प्रबिन भट्टको सम्पादन रहेको भिडियो बिपी फिल्मस्ले निर्माण गरेको हो ।
