काठमाडौँ, १६ पुष । क्रिकेट फेस्टिभलमा सहभागी हुन अष्ट्रेलिया पुगेका नेपाली राष्ट्रिय टिमका कप्तान पारस खड्काले बिग ब्याश लिग हेर्ने अवसरको निम्तो पाएका छन् ।
प्राप्त जानकारीका अनुसार आज पारस खड्का मेलबर्नको प्रशिक्षण स्थलमा पुगेका थिए जहाँ उनले सन्दीपसँग अभ्याससमेत गरेका थिए । भोलि मेलबर्न स्टार्सले मेलबर्न रेनेडेजसँग प्रतिस्पर्धा गर्दैछ । स्टार्सले त्यो खेल आफ्नै बक्समा बसेर हेर्नका लागि नेपाली कप्तान पारस खड्कालाई निम्तो दिएको बताइएको छ ।
