काठमाडौँ,१ माघ । नेपाली युवा लेग स्पिनर सन्दीप लामिछानेको टोली सिल्हेट सिक्सर्सले बंगलादेश प्रिमियर लिगमा बिपिएल २०१९ अन्तर्गत आफ्नो चौथो खेलमा खेल कोमिल्ला भिक्टोरिएन्सविरुद्ध खेल्दैछ । नेपाली समय अनुसार बेलुका ६स्१५ देखी सिल्हेट इन्टरनेशनल क्रिकेट स्टेडियमा सुुरु हुनेछ । पहिलो खेलमा सिल्हेटले कोमिल्लासँग ४ विकेटले पराजित भएको थियो ।
कोमिल्लाबाट अष्ट्रेलियाका पूर्व कप्तान स्टिभ स्मिथ भने खेल्ने छैनन् । उनी चोटको कारण अष्ट्रेलिया फर्किसकेका छन् । यता स्टार खलाडीले भरिएको कोमिल्लामा तामिम इकवालसँगै पाकिस्तानका पूर्व कप्तान शाहिद अफ्रिदी, इमरुल कायस, एविन लुईस, सोएब मालिक जस्ता ठूला नाम गरेका खेलाडी छन् ।
सन्दीपले पहिलो खेलमा पाकिस्तानका पुर्व कप्तान समेत सोएव मालिक र अनमुल हकको विकेट लिएका थिए । त्यसयता दुई खेलमा सन्दीप विकेट बिहिन छन् । सन्दीपले डेब्यू खेलमा जस्तै उत्कृष्ट प्रर्दशन गर्दै पुनरागमन गर्ने अनुमान गरिएको छ । सन्दीप २३ जनवरी सम्म बंगलादेश प्रिमियर लिग खेल्ने छन् । नेपाल र युएईबीच २५ जवनरी सुरु हुने तीन ओडीआई समान अन्तर्राष्टिय टी(२० सिरीजको लागि सन्दीप उतैबाट दुबई जाने छन् ।एजेन्सीको सहयोगमा
