काठमाडौं, फागुन ९ । सत्तारुढ दल नेकपाको सांगठनिक एकताको लागि गठित कार्यदलले अझै एक हप्ताको समय मागेको छ । एकताको बाँकी काम टुंग्याउन सचिवालयसँग एक हप्ताको समय माग गरेको पार्टीका प्रवक्ता नारायणकाजी श्रेष्ठले जानकारी दिए ।
बिहीबार प्रधानमन्त्री निवास बालुवाटारमा बसेको बैठकमा कार्यदलले थप एक हप्ताको समय माग गरेको श्रेष्ठले बताए । उनका अनुसार कार्यदलको मागप्रति सचिवालयले भने कुनै निर्णय लिएको छैन ।
शुक्रबार बस्ने अर्को बैठकले यसबारेमा निर्णय लिने बताइएको छ । कार्यदलले अपूर्ण प्रतिवेदन अध्यक्षद्वयलाई बुझाएपछि सहमति जुटाउन शीर्ष तहमै छलफल भईरहेको छ ।
