काठमाडौ, असार १८ । लन्डनको व्यस्त हिथ्रो एयरपोर्टमा एक व्यक्ति केन्या एयरवेजको विमानको ल्यान्डिङ गीयरको कम्पार्टमेन्ट बाट खसेर ज्यान गएको छ ।
मृत व्यक्ति विमानको ल्यान्डिङ गीयरको कम्पार्टमेन्टमा लुकेर यात्रा गररहेको प्राप्त जानकारीका अनुसारमा उल्लेख गरिएको छ । एयरपोर्टमा विमान उत्रनुपूर्व नै उनी बिमानबाट खसेका थिए ।उनको शव लन्डनको एक बगैचाम मिलेको थियो ।
बेलायती अधिकारीका अनुसार उक्त व्यक्तिको पहिचान गर्ने प्रयास भइरहेको छ । उनी कुनै विमानको ल्यान्डिङ गीयर कम्पार्टमेन्टबाट तल झरेको हुन सक्ने बताइएको छ ।
यो कम्पार्टमेन्टबाट एक ब्याग, पानीको बोतल तथा केही खानेकुराको सामग्री पाइएको थियो । गरिबी तथा खराब अवस्थाका कारण पछिल्ला वर्षहरुमा अफ्रिकी देशका कैयौ नागरिकहरु विमानमा लुकेर युरोप तथा अमेरिका पुग्ने प्रयास गर्दै आएका छन् ।
यसै वर्ष एरिकको लागोसबाट जोहानेसबर्ग उडानमा पनि एक शव पाइएको थियो ।२०१६ मा लागोसबाट न्यूयोर्क जादै गरेको एयर जेटको एक विमानको अन्डरक्यारिजमा एक शव पाइएको थियो ।
