काठमाडौं, २५ पुष । नेकपा (एमाले) का अध्यक्ष केपी शर्मा ओलीले अहिलेको व्यवस्था ठूलो बलिदानीबाट आएको बताएका छन् । प्रतिनिधि सभाको पहिलो बैठकलाई सम्बोधन गर्दै उनले अहिलेको व्यवस्था ल्याउनका निम्ति ज्यान आहुँति गर्ने ज्ञात अज्ञात शहीदहरुको सम्झना गरेका हुन् ।
‘यो परिस्थिति यत्तिकै आएको छैन। धेरै बलिदानीपछि आएको हो। यो परिस्थिति ल्याउन ज्यान आहुँति गर्ने ज्ञात अज्ञात शहीदप्रति सम्मान प्रकट गर्छु,’ उनले भने । साथै, प्रतिनिधि सभामा निर्वाचित भएर आएका सबै सांसदलाई उनले बधाईसमेत दिएका छन् ।
‘संविधान जारी भएपछिको दोस्रो आम निर्वाचनबाट निर्वाचित भएर आउनुभएका सबै सांसदलाई बधाई दिन्छु,’ उनले भने ।
