काठमाडौं, ४ माघ । नेकपा (एकीकृत समाजवादी)को आज (बुधबार) पार्टी कार्यालयमा बसेको बैठकले नेता झलनाथ खनालको नेतृत्वमा पार्टीको मुल नीति र कार्यक्रम निर्माण मस्यौदा समिति गठन गरेको छ।
समाजवादीका विभिन्न विभागका इन्चार्जसहितको बैठकले खनालको संयोजकत्वमा समिति गठन गरेको हो।
उक्त समितिले पार्टीको सिद्धान्त, आर्थिक, राजनीतिक, सामाजिक र सांस्कृतिक मुल नीति र पार्टी निर्माणको मूल दिशाको बारेमा मस्यौदा तयार गर्ने बताएको छ।
खनाल नेतृत्वको मस्यौदा समितिमा केशवलाल श्रेष्ठ, बेदुराम भुसाल, जगन्नाथ खतिवडा, गङ्गालाल तुलाधर, प्रकाश ज्वाला, रामकुमारी झाक्रीलगायतका नेता सदस्यहरु रहेका छन्।
