माओवादी र बाबुरामबीच एकताका लागि वार्ता हुँदै

काठमाडौं, १० माघ । नेकपा माओवादी केन्द्र र नेपाल समाजवादी पार्टी(नेसपा) बीच पार्टी एकताका लागि मंगलबार वार्ता हुने भएको छ।

एकता गर्न बनेको वार्ता टोलीमा माओवादी केन्द्रका तर्फबाट संयोजक कृष्णबहादुर महरा छन् भने नेसपाका तर्फबाट गंगानारायण श्रेष्ठ रहेका छन्।

टोलीको बैठक मंगलबार दिउँसो २ बजे बस्ने तय भएको नेसपा वार्ता टोलीका संयोजक गंगानारायण श्रेष्ठले बताए।