काठमाडौं, २६ माघ । लुटपाटगरी हत्यामा संलग्न रहेको आरोपमा प्रहरीले एक जनालाई पक्राउ गरेको छ।
काठमाडौंको धोविखोला करिडोर अन्तर्गत रुद्रनगर शान्तिमार्गमा एक व्यक्तिलाई लुटपाटगरी हत्या गरेको आरोपमा मोरङ सुन्दरहरैचा घर भएका राम बहादुर थापालाई प्रहरीले पक्राउ गरी आज सार्वजनिक गरेको छ।
प्रहरीले पत्रकार सम्मेलन गर्दै माघ २४ गते बिहान रुद्रनगर शान्तिमार्गमा एक व्यक्तिको शव फेला परेको सूचना प्राप्त भएको र अनुसन्धान गर्ने क्रममा थापाले एकदिन अगाडि लुटपाटगरी पर्सा घर भइ टोखा बस्ने ध्रुव बहादुर खड्काको हत्या गरेको खुलेको प्रहरीले जनाएको छ।
तस्बिर : मुकुन्द कालिकोटे
