काठमाडौं, ११ फागुन । सिंहदरबारमा तीन दलको बैठक सुरु भएको छ।
बैठकमा माओवादी केन्द्रबाट प्रधानमन्त्री पुष्पकमल दाहाल ‘प्रचण्ड’, वरिष्ठ उपाध्यक्ष नारायणकाजी श्रेष्ठ, शक्ति बस्नेत, जनार्दन शर्मा एकीकृत समाजवादीबाट अध्यक्ष माधव कुमार नेपाल, उपाध्यक्ष प्रमेश हमाल, महासचिव बेदुराम भुसाल र जसपाबाट उपेन्द्र यादवलगायतका नेताहरु रहेका छन्।
बैठक अहिले माओवादी केन्द्रको संसदीय दलको कार्यालयमा सुरु भएको छ।
यो बैठक सकिए लगत्तै अहिलेका तीन दल र कांग्रेसको बैठक बस्ने जनाइएको छ।
बैठकमा राष्ट्रपति निवर्वाचनबारे छलफल हुने प्रधानमन्त्रीको सचिवालयले जनाएको छ।
