काठमाडौं, २५ फागुन । नेकपा (एमाले) अध्यक्ष केपी शर्मा ओलीले नेपाली कांग्रेससँग मिलेर नयाँ सत्ता समीकरण बनाउने संकेत गरेका छन् ।
राष्ट्रपति निर्वाचनमा सहभागी हुनेक्रममा संसद् भवनमा सञ्चारकर्मीहरुसँग संक्षिप्त कुराकानी गर्दै अध्यक्ष ओलीले कांग्रेससँग मिल्न सकिने बताएका हुन् । कांग्रेससँग नमिल्ने भनेर आफूहरुले कसम नखाएको उनले बताए ।
उनले भने–‘कांग्रेससँग हामी मिल्न सक्छौं। मिल्दैनौं भनेर कसम खाएका छैनौं। राजनीतिमा जुनसुकै सम्भावना कायमै रहन्छ।’
