काठमाडौं, ३० फागुन । नेकपा (एमाले)का अध्यक्ष केपी शर्मा ओलीले उपराष्ट्रपति निर्वाचनमा एमालेकी उम्मेद्वारी अष्टलक्ष्मी शाक्यलाई निर्वाचित गराउन आफ्ना सांसद्हरुलाई अरु एकदुई जना सांसद् मिलाउन आग्रह गरेका छन्।
मंगलबार काठमाडौंमा एमालेले आयोजना गरेको उपराष्ट्रपति निर्वाचनको अभिमुखिकरण कार्यक्रममा बोल्दै अध्यक्ष ओलीले उपराष्ट्रपतिमा शाक्यलाई निर्वाचित गराउन आफ्ना सांसद्हरुलाई अरु एकदुई जना सांसद् मिलाउन आग्रह गरेका हुन्।
उनले भने, ‘यसका लागि सबै पार्टीसँग कुरा गरिरहेका छौं। तपाईंहरुले पनि एकदुई जना मिलाउनुस्, अरुलाई पनि मिलाउनुस्। यसमा ह्वीप उल्लंघनको प्रश्न छैन।’
अभिमुखिकरण कार्यक्रममा संघीय सांसद् तथा प्रदेश सभा सांसद्हरुको उपस्थिति रहेको थियो।
