काठमाडौं,५ जेठ । नेपाली नागरिकलाई नक्कली भुटानी शरणार्थी बनाई अमेरिका पठाउने गिरोहलाई सहयोग गरेको आरोपमा पक्राउ परेका दुई व्यक्तिको बयान आज हुने भएको छ ।
नेपाल हज समितिका अध्यक्ष शमसेर मियाँ र भुटानी शरणार्थीका नेता टेकनाथ रिजालको बयान आज हुन लागेको हो ।
प्रहरीले गत बुधबार सिंहदरबारस्थित उर्जामन्त्रालयबाट मिँयालाई पक्राउ गरेको थियो भने रिजाल हिजो पक्राउ परेका थिए ।
मिँयामाथि शरणार्थी प्रकरणका आरोपितलाई सरकारी गाडी उपलब्ध गराएको आरोप छ भने रिजालमाथि नक्कली शरणार्थी बनाउने कार्यमा मतियार बनेको आरोप छ ।
