काठमाडौं,९ जेठ । नेकपा एमालेका उपमहासचिव विष्णु रिमाल र धरान उपमहानगरपालिकाका मेयर हर्कराज साम्पाङ अहिले सामाजिक सञ्जालमा जुहारी खेलिरहेका छन् ।
रिमालले गत शनिबार एमाले निकट महिलाहरुको संगठन अखिल नेपाल महिला संघको दोस्रो पूर्ण बैठकमा धरान उपमहानगरपालिकाका प्रमुख हर्क साम्पाङलाई बौलाहा मेयर भनेपछि बिच्किएका साम्पाङ त्यसपछि लगातार रिमाललाई तथानाम गाली गर्दै स्ट्याटसको वर्षा गरिरहेका छन् ।
रिमालले बौलाहा भनेपछि ‘गुईठे र भुसानो’को संज्ञा दिएका साम्पाङलाई रिमालले पुनः जवाफ फर्काउँदै हामीपनि अब बौलाउनुपर्छ भन्दै पार्टी अध्यक्ष केपी शर्मा ओलीको पालामा भएका कामको विवरण सार्वजनिक गरेका थिए ।
शनिबारबाट बिच्किएका साम्पाङ र उनका समर्थकहरु अझै केहीदिन चुपलाग्ने छाँट देखिएको छैन । साम्पाङका समर्थकको आलोचनाको शिकार भएका रिमालले आज पुनः फ्याउरोको उपमा पाएका हुन् । साम्पाङले आज सामाजिक सञ्जाल मार्फत एउटा गीत सार्वजनिक गर्दै रिमाललाई फ्याउरो कराएको संज्ञा दिएका हुन् ।
यस्तो छ साम्पाङको गीत
एउटा फ्याउरो स्टेज चढी कराएछ ए होइ
पचास हजार लाइक भन्दै ५-१० लाख गाली मात्रै खाएछ ए होइ
ए होइ ए होइ ए होइ के सारो, ए होइ ए होइ ए होइ
गाली, ए होइ ए होइ ए होइ खाको, ए होइ ए होइ ए होइ
बिजोक भो, ए होइ ए होइ ए होइ
जनताले चुने मलाई विरोध किन गर्छौ
जनहितको काम गर्दा खुट्टा किन तान्छौ
बाँदरको व्यहोरा छेपारोको रंग
नेता बनी टोपल्छ है रंग न ढंग
विरोध मात्रै गरेको छ भातले सरापेको
के नै कुरा गर्नु र खोइ यस्ता तोर्पेको
ए होइ ए होइ ए होइ ए होइ ए होइ ए होइ ए होइ ए होइ
