काठमाडौं, ११ जेठ । नक्कली भुटानी शरणार्थी प्रकरणमा पक्राउ परेका सानु भण्डारीले डा. इन्द्रजीत राईबाट आफू ठगिएको बताएका छन् । नक्कली भुटानी शरणार्थी प्रकरणमा अरुबाट पैसा उठाएको इन्कारी बयान दिएका भण्डारीले बरु आफूलाई नै नक्कली शरणार्थी बनाई अमेरिका पठाइदिन्छु भनी इन्द्रजीतले पैसा लिई ठगी गरेको आरोप लगाएका हुन् ।
‘मलाई समेत भुटानी शरणार्थी बनाई अमेरिक पठाइदिने भनि म बाट डा. ईन्द्रजीत राईसमेतले रकम लिई कामसमेत नगरी ठगी गरेको हुँदा म आफैं पीडित भएको छु,’– उनको बयानमा भनिएको छ ।
