काठमाडौं, १५ जेठ । आज मे २९ अर्थात अन्तर्राष्ट्रिय सगरमाथा दिवस। ७० वर्षअगाडि आजकै दिन सन् १९५३ मे २९ मा एडमण्ड हिलारी र तेन्जिङ नोर्गे शेर्पाले पहिलो पटक सगरमाथामा मानव पाइला राखेका थिए। त्यसयता यो दिनलाई सगरमाथा दिवसका रूपमा मनाइने गरिन्छ।
७० वर्षअघि यी दुई आरोहीहरूले सगरमाथा आरोहण गरेका थिए त्यतिबेला उनीहरूले निक्कै कठिनाइको सामना गर्नुपरेको थियो। आज पनि मानिसहरूले सगरमाथा चढ्न धेरै कठिनाइहरूको सामना गर्नुपर्छ। तर, आजभोलि ठूलो संख्यामा मानिसहरू सगरमाथा चढ्छन्।
आजपनि सगरमाथा आरोहणलाई ठूलो अवसर र चुनौतीको रूपमा लिइन्छ। त्यहाँ के–कस्ता अप्ठ्यारा हुन्छन् भन्ने प्रश्न आम मानिसको मनमा हुनेगर्छ। त्यहाँ पर्वतारोहीहरू कसरी बस्छन्? कित समय त्यहाँ बिताउनुपर्छ? पर्वतारोहीहरूले के खाने र के लिएर जान्छन? त्यसका बारेमा केही जानकारी प्रस्तुत गरेका छौं।
सगरमाथा भ्रमण गर्ने उचित समय :
सगरमाथा आरोहणका लागि मे १५ पछि सबैभन्दा राम्रो समय मानिन्छ। यस समयमा सगरमाथाको तापक्रम बढी हुन्छ अर्थात चिसो कम हुन्छ।
यात्रा कहाँबाट सुरु हुन्छ ?
सगरमाथा चढ्नका लागि दुईवटा रुट छन्। जसमा एउटा रुट दक्षिणी रुट हो र त्यो नेपालमा छ। यस बाहेक उत्तरी मार्ग छ, जुन तिब्बतमा रहेको छ। मानिुसहरू विशेषत नेपालकै रुटबाट सगरमाथा चढ्ने गर्छन्।
आरोहण गर्न कति दिन लाग्छ ?
सगरमाथाको आरोहण पूरा गर्न करिब दुई महिनाको समय लाग्छ। यो आरोहण समूहसँग गरिन्छ।
कति खर्च लाग्छ ?
सगरमाथा चढ्नका लागि ३५ हजार डलरदेखि एक लाख डलरसम्म लाग्न सक्छ। खर्च धेरै चीजहरूमा निर्भर हुनेगर्दछ। जस्तै: प्रशिक्षण, समूह, खानेकुरा आदि
अनुमतिका लागि ११ हजार डलर खर्च लाग्छ। प्रत्येक वर्ष केही मानिसहरूलाई मात्रै अनुमति दिइन्छ र ती मानिसहरू मात्र सगरमाथा चढ्न जान सक्छन्।
जाँदा के-के लगेर जान्छन् :
सगरमाथा चढ्नुअघि पर्वतारोहीहरू चिसोबाट बच्ने सामग्री, विशेष प्रकारका जुत्ता, टर्च, पाल आदि लिएर त्यहाँ जान्छन्। यस्तै मेडिकल सामाग्रीहरू पनि सँगै बोकेर जानुपर्छ।
उनीहरूले सुक्खा फलफूल, चकलेट, मासुलगायतका खानेकुरा बोक्ने गर्छन्।
file photo
